Тошкент шаҳрида 14 октябрь, сешанба куни тонгда трамвай иштирокида йўл-транспорт ҳодисаси рўй берди. Бу ҳақда Twitter фойдаланувчиларига таяниб, «Кун» хабар қилди.
Маълум бўлишича, «Фарҳод» деҳқон бозори олдидаги Фарҳод ва Лутфий кўчалари чорраҳасида 9-трамвай Matiz енгил автомобили билан тўқнашган.
«Трамвай Matiz’ни анча жойга суриб борибди», – дейилади ижтимоий тармоқлардаги хабарларда. ЙТҲда қайси русумдаги трамвай иштирок этганига аниқлик киритилмаган.
Дастлабки маълумотларга кўра, ҳодиса натижасида жиддий азият чекканлар йўқ.
Изоҳ (0)