АҚШнинг мобил алоқа хавфсизлиги технологияларига ихтисослашган Lacoon Mobile Security фирмаси экспертлари Хитой ҳукумати Гонконгдаги намойиш иштирокчиларини кузатиш учун смартфонлардаги зарарли дастурлардан фойдаланаётганини маълум қилди, деб хабар бермоқда «РИА Новости».
Дастурлар смартфон соҳибларининг ўзлари ўрнатадиган воситалар кўринишига эга бўлиб, юклаб олингач контактлар рўйхати, қўнғироқлар журнали ва бошқа маълумотларни серверга етказиб бера бошлайди. Хусусан, компания икки кучли дастурни аниқлаган бўлиб, уларнинг бири Apple iOS, иккинчиси Android операцион тизимларида ишлашга мўлжалланган.
Бу жуда мураккаб дастур, унинг ишлатилиши орқасида давлат турган бўлиши керак, деб ҳисобламоқда экспертлар. Уларнинг фикрича, Xsser mRAT трояни компьютер тизимларига зарар етказишдан тортиб мобил қурилмаларида ишлашгача бўлган вазифаларни бажара олади.
Изоҳ (0)