Ҳиндистон бош вазири Нарендра Моди тозалик ва орасталикка бир йилда 100 соат ёки бир ҳафтада 2 соат вақт ажратишга ваъда берди. Бу ҳақда у 2 октябрь куни Нью-Делида «Тоза Ҳиндистон» умумҳинд кампаниясига старт берар экан, айтиб ўтди, деб ёзади «РИА Новости».
Ҳиндистонни тозалаш кампанияси 2 октябрь — бутун Ҳиндистон бўйлаб нишонланадиган Маҳатма Ганди таваллудига бағишланди. Модининг таъкидлашича, 2019 йил — Ҳиндистонни нафақат озод, балки озода юрт сифатида кўришни орзу қилган Гандининг 140 йиллигига мамлакат ахлатлардан тўлиқ тозаланган бўлади.
Ўз нутқидан сўнг Моди Нью-Делидаги марказий кўчалардан бирида тантанали юришга етакчилик қилди ва ўз ҳамюртларига намуна сифатида тротуарнинг бир қисмини супуриб чиқди.
Ҳукумат мамлакатни чиқиндилардан тозалашга 2 триллион рупий (тахминан 33 миллиард доллар) сарфламоқчи. Кўчаларни тозалашдан ташқари, ҳинд ҳукумати мамлакатнинг барча фуқароларини ҳожатхона ва ичимлик суви билан таъминламоқчи.
Изоҳ (0)