Москвада Хавфсизлик Кенгашининг президент Путин раислигидаги «Интернет тармоғининг Россия сегменти»га бағишланган мажлиси бўлиб ўтди. Euronews хабар беришича, Путин аввалроқ «Ведомости» газетасида пайдо бўлган, фавқулодда ҳолат юзага келган тақдирда мамлакат глобал тармоқдан узиб қўйилиши ҳақидаги хабарни рад этди.
«Биз тармоққа киришни чеклаш, уни назорат остига олиш, Интернетни давлатлаштириш, кишилар, жамоатчилик ташкилотлари, бизнеснинг ахборот соҳасидаги қонуний манфаатлари ва имкониятларини чеклаш ниятимиз йўқ», — деди Россия президенти.
Нашрнинг эслатишича, 2015 йил 1 январдан Россияда интернет-компанияларга россияликларнинг шахсий маълумотларини фақат РФдаги серверларда сақлаш мажбуриятини юкловчи қонун кучга киради. Ушбу қонун ўзининг россиялик фойдаланувчиларига тегишли маълумотларни Россия серверларига ўтказишдан бош тортган халқаро сервисларни (масалан, Google, Facebook, Twitter) ёпиб қўйиш имкониятини беради.
Изоҳ (0)