Америкалик жамиятшунослар иш топишда қийналаётган ёш аёллар фарзанд кўришни нафақат яхшироқ давргача кечиктириши, балки бу режадан бутун умрга ҳам воз кечиши мумкинлигини аниқлади. Янги тадқиқот Proceedings of the National Academy of Sciences журналида келтириб ўтилди.
Демографлар 1975—2010 йилларда АҚШ статистика бошқармаси томонидан қайд этилган 140 миллионта туғиш ҳолатлари бўйича маълумотларни ўрганиб чиқди.
Тадқиқот натижасида қуйидагича қонунийлик келиб чиқди: 20—24 ёшдаги аёлларда ишсизлик даражасининг бир фоизга ошиши ушбу гуруҳда туғишни 0,4 фоизга камайтиради. Ушбу аёлларнинг 40 ёшгача бўлган тақдири ўрганилганда бу кўрсаткич 1,4 фоизга тушиб кетиши маълум бўлди. Шу тариқа, мамлакат 426 850 нафар боладан ажралиши мумкин.
Олимлар ушбу вазиятга иккита сабабни келтирмоқда. Биринчидан, депрессия йилларида (айниқса ҳозирги инқироз ҳолатида) ўз иш фаолиятини бошлаётган йигитлар кам даромад олади, бу эса уларнинг ўз ёшидаги аёллар томонидан умр йўлдоши сифатида танланиш эҳтимолини камайтиради. Иккинчидан, инқироз даври максимал фертиллик ёши билан тўғри келганида, аёллар келажакда ҳам туғишни хоҳламаслиги эҳтимоли ошади.
Изоҳ (0)