АҚШ Махфий хизмати директори Жулия Пирсон 10 кун аввал Оқ уйда содир бўлган воқеа учун жавобгарликни тўлиқ ўз бўйнига олди. Бу ҳақда ИТАР-ТАСС хабар берди.
Ўша куни АҚШ президенти қароргоҳи ҳудудига 42 ёшли америкалик ҳарбий ветеран Омар Гонзалес ноқонуний равишда кириб, мажмуанинг асосий эшигигача чопиб боришга муваффақ бўлган. Шундагина у қуролланган соқчилар томонидан ушлаб олинган.
«Бунинг учун мен жавобгарман, — деди Пирсон вакиллар палатасининг назорат ва ҳукумат ислоҳоти бўйича қўмитасида нутқ сўзлар экан. — Бўлиб ўтган воқеа номақбул ва у бошқа қайтарилмайди».
«Бизнинг хавфсизликни таъминлаш режамиз тегишлича амалга ошмай қолди», — дея тан олди Махфий хизмат раҳбари.
Изоҳ (0)