Ҳиндистоннинг Тамилнад штати бош вазири, собиқ киноюлдуз Жаялалита Жаярамга нисбатан чиқарилган айблаш ҳукми оммавий худкушликларга олиб келди, дея хабар бермоқда ИТАР-ТАСС.
Мухлислари «она» деб атайдиган бош вазирни коррупцияда айбдор деб топишганидан хабардор бўлгач, 20 га яқин киши ўз жонига қасд қилди.
Сиёсатчи шов-шувли тарзда ҳибсга олингач, бутун штат бўйлаб оммавий қўзғолон бошланиб кетди. Суд қароридан норози бўлганлар ўзларини ёқиб юбориб, шаҳар кўчаларида тартибсизликларни уюштирди. Натижада 10 дан ортиқ киши юрак хуружи билан шифохонага келтирилди, яна бир неча ўнлаб кишининг ҳаёти асраб қолинди.
Таъкидлаш жоиз, Жаярам 1989 йилдан «Аннадураи номидаги бутунҳиндистон Дравид прогресси федерацияси» партиясини бошқарган, жами 15 йил бош вазир лавозимида ишлаган.
1997 йилда сиёсатчи коррупцияда айбланиб, унинг устидан суд иши очилган. Орадан деярли 18 йил ўтибгина суд жараёни якунланди ва Жаялалита тўрт йилга озодликдан маҳрум этилиб, 20 миллион жаримага тортилди.
Изоҳ (0)