Hindistonning Tamilnad shtati bosh vaziri, sobiq kinoyulduz Jayalalita Jayaramga nisbatan chiqarilgan ayblash hukmi ommaviy xudkushliklarga olib keldi, deya xabar bermoqda “ITAR-TASS”.
Muxlislari “ona” deb ataydigan bosh vazirni korrupsiyada aybdor deb topishganidan xabardor bo‘lgach, 20 ga yaqin kishi o‘z joniga qasd qildi.
Siyosatchi shov-shuvli tarzda hibsga olingach, butun shtat bo‘ylab ommaviy qo‘zg‘olon boshlanib ketdi. Sud qaroridan norozi bo‘lganlar o‘zlarini yoqib yuborib, shahar ko‘chalarida tartibsizliklarni uyushtirdi. Natijada 10 dan ortiq kishi yurak xuruji bilan shifoxonaga keltirildi, yana bir necha o‘nlab kishining hayoti asrab qolindi.
Ta’kidlash joiz, Jayaram 1989-yildan “Annadurai nomidagi butunhindiston Dravid progressi federatsiyasi” partiyasini boshqargan, jami 15 yil bosh vazir lavozimida ishlagan.
1997-yilda siyosatchi korrupsiyada ayblanib, uning ustidan sud ishi ochilgan. Oradan deyarli 18 yil o‘tibgina sud jarayoni yakunlandi va Jayalalita to‘rt yilga ozodlikdan mahrum etilib, 20 million jarimaga tortildi.
Izoh (0)