Amerikalik jamiyatshunoslar ish topishda qiynalayotgan yosh ayollar farzand ko‘rishni nafaqat yaxshiroq davrgacha kechiktirishi, balki bu rejadan butun umrga ham voz kechishi mumkinligini aniqladi. Yangi tadqiqot Proceedings of the National Academy of Sciences jurnalida keltirib o‘tildi.
Demograflar 1975—2010-yillarda AQSh statistika boshqarmasi tomonidan qayd etilgan 140 millionta tug‘ish holatlari bo‘yicha ma’lumotlarni o‘rganib chiqdi.
Tadqiqot natijasida quyidagicha qonuniylik kelib chiqdi: 20—24 yoshdagi ayollarda ishsizlik darajasining bir foizga oshishi ushbu guruhda tug‘ishni 0,4 foizga kamaytiradi. Ushbu ayollarning 40 yoshgacha bo‘lgan taqdiri o‘rganilganda bu ko‘rsatkich 1,4 foizga tushib ketishi ma’lum bo‘ldi. Shu tariqa, mamlakat 426 850 nafar boladan ajralishi mumkin.
Olimlar ushbu vaziyatga ikkita sababni keltirmoqda. Birinchidan, depressiya yillarida (ayniqsa hozirgi inqiroz holatida) o‘z ish faoliyatini boshlayotgan yigitlar kam daromad oladi, bu esa ularning o‘z yoshidagi ayollar tomonidan umr yo‘ldoshi sifatida tanlanish ehtimolini kamaytiradi. Ikkinchidan, inqiroz davri maksimal fertillik yoshi bilan to‘g‘ri kelganida, ayollar kelajakda ham tug‘ishni xohlamasligi ehtimoli oshadi.
Izoh (0)