АҚШ Украинага НАТО таркибига кирмайдиган алоҳида иттифоқдош мақомини тақдим этмайди. Бу ҳақда Украина президенти Пётр Порошенко CNN’га берган интервьюсида маълум қилди, деб ёзади «Сегодня».
Телеканал журналистининг АҚШ президенти Украинага бундай махсус мақом беришдан бош тортгани ҳақида берган саволига жавобан, Порошенко Обаманинг ҳақиқатан ҳам «йўқ» деб жавоб бергани, бироқ бунга АҚШ ва Украина ўртасида аллақачон ҳамкорлик даражасидаги алоҳида мақом борлигини сабаб қилиб кўрсатганини айтди. Унинг сўзларига кўра, Обама «хавфсизлик ва мудофаа соҳасидаги ҳамкорлик НАТО аъзоси бўлмаган шерик мақомидан анча юқори»лигини таъкидлаган.
Порошенко Украинанинг хавфсизлик ва мудофаа бўйича АҚШ стратегик шериги мақомида эканлигини айтиб ўтди. «Биз сўраганимиздан ҳам кўра кўпроғига эришдик», — деди у.
Эслатиб ўтамиз, 18 сентябрь, пайшанба куни Украина президенти АҚШга хизмат ташрифи билан борди. У Вашингтонда АҚШ Конгресси сессиясида нутқ сўзлади, АҚШ вице-президенти Жо Байден ва президент Обама билан учрашди.
Изоҳ (0)