Американинг JetBlue авиакомпаниясига тегишли самолёт Калифорния штатининг Лонг-Бич шаҳридаги аэропортга мажбуран қўнди. Бунга двигателдаги муаммо сабаб бўлди. ИТАР-ТАССнинг АҚШ ОАВларига таяниб хабар беришича, натижада тўрт киши жабрланган.
Бортида 142 йўловчи ва беш нафар экипаж аъзоси бўлган Airbus А320 Лонг-Бичдан Остин (Техас штати) шаҳрига парвоз қилаётган бўлган.
Самолёт ердан кўтарилиши билан капитан бортда двигателлардан бири билан боғлиқ муаммо туфайли фавқулодда ҳолат юзага келганини эълон қилди ва бир неча дақиқадан сўнг самолёт парвоз амалга оширилган аэропортга қайтиб қўнди.
Ҳаво кемаси бортида бўлган йўловчилар пуфлаб шиширилган кўчма зина орқали эвакуация қилинди. Айни пайтда самолёт техник кўрикдан ўтказилмоқда.
Нашрнинг таъкидлашича, лайнер бортида Тwilight («Сумерки») фильмларидаги роли билан таниқли бўлган актёр Жексон Ретбоун ҳам бўлган.
Изоҳ (0)