Ўзбекистон Республикаси Маданият ва спорт ишлари вазирининг буйруғи (pdf) билан таълим муассасалари, корхоналар, турар жой даҳаларининг асосий жисмоний тарбия-соғломлаштириш ва (ёки) спорт иншоотлари билан энг кам таъминланиш нормативлари тасдиқланди.
Ҳужжатда боғчалар, мактаблар, лицей ва коллежлар, ОТМлар, корхоналар ҳамда аҳоли турар даҳаларининг турли спорт иншоотлари билан энг кам таъминланиш нормативлари белгиланган. Спорт иншоотлари миқдори болалар, ўқувчилар, талабалар, ишчилар ва аҳоли сонига боғлиқ бўлади.
Масалан, корхоналар учун белгиланган нормативда кўрсатилишича, 1000 кишига нисбатан ҳисобий кўрсаткичда спорт ядроси ва спорт майдончалари 0,3—0,4 гектар, спорт зали, пол сатҳининг майдони 40—50 м², сузиш бассейни, сув сатҳининг майдони 12—15 м² бўлиши керак.
Бунда корхоналарнинг асосий жисмоний тарбия-соғломлаштириш ва (ёки) спорт иншоотлари сифатида, корхоналарнинг ён-атрофидаги аҳоли турар даҳаларининг бундай спорт иншоотлари фойдаланилиши мумкин.
Таълим муассасаларининг жисмоний тарбия-соғломлаштириш ва (ёки) спорт иншоотлари аҳоли турар даҳаларининг таянч спорт объектлари ҳисобланиши кўзда тутилган.
Изоҳ (0)