«Ўзбекэнерго» компанияси 1 октябрдан электр энергияси тўлови ошишини маълум қилди.
Компания сайтида хабар берилишича, амалдаги нархлардан 10 фоизга қиммат бўлган янги тарифлар Ўзбекистон Молия вазирлиги томонидан 15 сентябрь куни тасдиқланган.
Аҳолига бериладиган 1 кВт/с электр энергияси ҳақи 131,4 сўмдан 144,3 сўмгача, электр плитаси билан таъминланган хонадонлар учун 65,7 сўмдан 72,15 сўмгача ошиши белгиланган.
Бундан аввал тарифлар ўтган йилнинг 1 апрелида 9,5 фоизга ошган эди.
Эслатиб ўтамиз, 1 октябрдан иссиқ ва совуқ сув тўловлари ҳам қимматлашади.
Изоҳ (0)