Қашқадарёда махсус жиҳозланган Damas автомобиллари базасида яратилган янги кўчма дорихоналар ўз фаолиятини бошлади, дея хабар бермоқда «Правда Востока».
«Қашқадарё дори-дармон» акциядорлик жамияти вакили сўзларига кўра, автодорихоналарнинг мунтазам ҳаракати «Дори-дармон» акциядорлик компаниясининг ижтимоий лойиҳаси доирасида йўлга қўйилган. Компания мутахассислари GM Uzbekistan муҳандислари билан ҳамкорликда кўчма дорихонанинг тажрибавий моделини ишлаб чиқишди. Республикада бундай автомобиллардан 50 таси ишлаб чиқарилган, улардан бештаси яқиндан бошлаб Қашқадарёнинг олис қишлоқларига қатнамоқда.
Кўчма дорихоналар дорилар учун жавонлар ва портатив совитгичлардан ташқари, касса аппаратлари ва тўлов терминаллари билан жиҳозланган.
Энди олис қишлоқлар фуқаролари бир неча юз номдаги дори воситалари ва тиббий буюмлар, шунингдек шифобахш ўсимлик дамламаларини пасайтирилган нархларда сотиб олиш имкониятига эга бўлди.
Изоҳ (0)