Россия президенти ёрдамчиси Юрий Ушаков хабар беришича, 9 сентябрь, сешанба куни Россия ва Украина президентлари телефон орқали «қизиқарли ва мазмунли суҳбат» қурди, деб ёзади Segodnya.ua.
«Умуман олганда, биз томондан ҳам, Украина томонидан ҳам ўт очишни тўхтатиш режимининг амал қилиниши юзасидан қониқиш билдирилди. Бироқ ҳар иккала томон ҳам жараённинг мураккаблиги ва ҳаммаси ҳам юз фоиз силлиқ кетмаётганини тушунади», — деди Ушаков.
Аввалроқ Россия президенти ёрдамчиси Киев санкциялари Кремлнинг «Украина танглиги»га ёндашувига таъсир кўрсатмаслигини айтган эди.
Нашрнинг эслатишича, 5 сентябрь куни Минскда Контакт гуруҳи Киев вақти бўйича 18:00 дан Украина шарқида зудлик билан ўт очишни тўхтатиш ҳақида баённома имзолаган эди. Ҳужжат 12 та пунктдан иборат бўлиб, ҳарбий асирлар алмашинуви, гуманитар ёрдам билан таъминлаш, чегарада ўт очишни тўхтатиш режимини мониторинг қилиш кабиларни назарда тутади.
Изоҳ (0)