Исроил фуқароси Гоэль Рацон жинсий асосга эга жиноятни амалга оширишда айбдор деб топилди. У хусусан ўз қизларини зўрлашда, ахлоқсиз хатти-ҳаракатларда ва рухсат этилмаган жинсий алоқаларни амалга оширганликда айбланмоқда.
Euronews хабар беришича, кўпроқ сектани эслатадиган оила бошлиғининг 32 «хотини» ва 40 дан ошиқ болалари бўлган. Шу билан бирга, ундан 21 нафар «хотини»ни қулликда сақлагани ҳақида айблов олиб ташланди. Суд жараёни 4 йил давом этди.
64 ёшли Рацонннинг ўзи барча айбловларни рад этиб, ўз ҳаёт тарзи ва «оилавий тартиб»ини тўғри деб, аёлларнинг танловини эса онгли деб ҳисоблайди. Тергов маълумотларига кўра, у уйда қатъий тартибни сақлаб туриш, аёллар ва болаларнинг хулқига таъсир кўрсатиш имконини берувчи гипноздан фойдаланган.
Нашрнинг эслатишича, 2010 йилда Исроилдаги телеканаллардан бири Рацоннинг Тель-Авивдаги уйларидан бирига ташриф буюриб, ундан интервью олган эди. Ўшанда армиядагидек қаттиқ тартиб, ҳаттоки хўрлаш ва камситишларга ҳам қарамай, аёлларнинг у билан яшаб келаётгани сабаби ҳақида берилган саволга жавобан, уй эгаси «Мен шунчаки мукаммалман», — деган эди.
Изоҳ (0)