9 сентябрь, сешанбага ўтар кечаси Ер аҳолиси шу йил учун энг сўнгги супер Ой гувоҳи бўлишлари мумкин. Бу сафар Ойгача бўлган масофа 359,1 минг километрга тенг бўлади, дея хабар бермоқда Segodnya.ua.
Ой перигей (Ой орбитасининг Ерга энг яқин нуқтаси)да бўлган вақтида апогей (Ой орбитасининг Ердан энг узоқ нуқтаси)га нисбатан 14 фоизга каттароқ ва 30 фоизга ёрқинроқ кўринади.
Перигейда Ой апогейдагига қараганда Ерга тахминан 50 минг километрга яқинроқ келади.
Ушбу ҳодиса тўлин ой ёки янги ойнинг Ой ва Ернинг бир-бирига энг яқин келган пайтига тўғри келиши билан боғлиқ.
Супер Ой ҳар йили кузатилавермайди, шу билан бирга, бир йил ичида бир неча марта ҳам содир бўлиши мумкин. Масалан 2014 йилда бундай ҳодиса бешинчи марта юз бермоқда: январь ойида икки марта ҳамда 12 июль ва 10 августда ҳам супер Ой кузатилган.
Изоҳ (0)