Қозоғистон 2016 йил охиригача ўзи ишлаб чиққан космик қурилмаларни йиғишни бошламоқчи. Бу ҳақда республика инвестиция ва тараққиёт вазирлигининг аэрокосмик қўмитаси матбуот хизматига таяниб, ИТАР-ТАСС хабар берди.
«2016 йил охиригача Миллий космик маркази объектларининг ишга туширилиши билан қозоғистонлик мутахассислар ўз ҳамкасблари ва шерикларига космик қурилмаларни лойиҳалаштириш, йиғиш ва синовдан ўтказиш хизматларини таклиф қилиши мумкин», — дейилади ҳужжатда.
Аввалроқ республика Миллий космик агентлиги раҳбари ўринбосари Мейрбек Молдабеков Қозоғистон 2015 йилда космик қурилмаларни ишлаб чиқаришни йўлга қўймоқчилигини эълон қилган эди. Унинг сўзларига кўра, бунгача Остонада сунъий йўлдошлар ва уларнинг таркибий қисмларини лойиҳалаштириш ва йиғиш билан шуғулланувчи завод ва бюрони қуриш ишлари якунланади.
«Бундай корхона МДҲ ҳудудида, жумладан Россияда ҳам мавжуд эмас. Бу ерда нафақат Қозоғистон учун, балки экспорт қилиш учун ҳам сунъий йўлдошлар ишлаб чиқарилади, биз ўзлаштираётган технологиялар жаҳон бозорида рақобатбардош бўлган маҳсулотларни ишлаб чиқариш имконини беради», — дея таъкидлади Молдабеков. Унинг айтишича, космик қурилмаларни йиғишда фойдаланиладиган технологиялар ва таркибий қисмларнинг 55 фоизини маҳаллий маҳсулотлар ташкил этади.
Изоҳ (0)