Рим папаси Францискнинг уч нафар қариндоши Аргентинанинг Кордова провинциясидаги йўл-транспорт ҳодисасида ҳалок бўлди, дея хабар берди ИТАР-ТАСС маҳаллий полиция вакилларига таяниб.
Полиция маълумотларига кўра, Рим-католик черкови раҳбарининг жияни ўз оиласи билан кетаётган автомобиль юк машинасига келиб урилган. Жиянининг рафиқаси ва икки фарзанди ўша заҳотиёқ жон берган. Тирик қолган эркакнинг аҳволи эса шифокорлар томонидан оғир деб баҳоланмоқда.
Дастлабки маълумотларга кўра, оила таътилдан Буэнос-Айресдаги ўз уйларига қайтаётган бўлган.
Нашрнинг эслатишича, Рим-католик черкови раҳбари лавозимини эгаллашидан аввал Франциск Буэнос-Айрес архиепископи бўлган.
Изоҳ (0)