Рим папаси Франциск биринчи марта жамоатчилик олдида ўз вафоти ҳақида гапирди. Agence France-Presse хабар беришича, понтифик бир неча йилдан сўнг вафот этишини тахмин қилмоқда.
Жанубий Кореядан Ватиканга йўл олган самолёт бортида журналистлар Папага унинг машҳурлиги ҳақида савол берган. Унга жавобан 77 ёшли понтифик: «Мен буни Яратганнинг муруввати деб биламан. Калондимоғликка берилмаслик учун гуноҳларим, хатоларим ҳақида ўйлашга ҳаракат қиламан. Чунки бунинг узоқ давом этмаслигини биламан. Икки ёки уч йилдан сўнг Парвардигори олам ҳузурига йўл оламан», — деди.
Шунингдек, Рим-католик черкови раҳбари ўзини мажбуриятларини бажаришга имконсиз ҳис қила бошласа, тахтни тарк этишини ҳам айтиб ўтди. Франциск ўзида «асаб билан боғлиқ баъзи муаммолар» борлигини тан олди.
Изоҳ (0)