Украина президенти Пётр Порошенконинг Божхона Иттифоқи давлатлари етакчилари билан қачон учрашиши ҳозирча номаълум, дея хабар берди «Сегодня» нашри Белоруссиянинг Украинадаги элчиси Валентин Величко баёнотига таяниб.
«Путин, Назарбоев, Лукашенко учрашувда қатнашишга тайёрлигини тасдиқлади. Ва бу бизнинг президентимиз (Лукашенко) томонидан Украина президенти Пётр Порошенкога етказилди», — деди элчи 18 август, душанба куни Киевда бўлиб ўтган матбуот анжуманида.
Шу билан бирга, у Божхона Иттифоқи давлатлари етакчилари учрашувда АҚШ ёки ЕИ вакиллари қатнашишини ёқлаб чиққанлигини айтди.
«Ушбу учрашув шакли бўйича келишувга эришилганидан кейин санани эълон қилишади», — дея қўшимча қилди Величко.
Нашрнинг эслатишича, аввалроқ Еврокомиссия Украина-ЕИ-Россия форматида уч томонлама учрашув ўтказиш ҳақида эълон қилган эди. Пётр Порошенко, Жозе Мануэль Баррозу ва Владимир Путин иштирокида ўтадиган музокараларда Украина шарқидаги вазиятни барқарорлаштириш, ЕИ билан ассоциациянинг амалга жорий қилиниши ва газ етказиб бериш масалалари муҳокама қилинади.
Изоҳ (0)