АҚШнинг Техас штатида оғир касалликка чалинган қизалоққа бутун дунёдан туғилган кун табрикномалари келиб тушмоқда, дея хабар берди ABC News.
Қизнинг ота-онаси унинг ўн бир ёшгача яшамаслигини тахмин қилмоқда. Шу туфайли ўзининг ўн ёшига қизалоқ иложи борича кўпроқ табрикномалар олишни истади. Фарзандининг тилагини бажариш учун она Facebook’ка хабар жойлади. Бироқ у бунчалик кўп кишиларнинг акцияга қўшилишини кутмаган эди. Ҳозирга қадар қизга Американинг бошқа штатлари, шунингдек, Буюк Британия, Финляндия, Исроил каби мамлакатлардан 230 га яқин табрикнома келиб тушган.
Қизалоқ тузалмас касаллик — нейроаксиал дистрофияга чалинган. Бундай хасталик билан оғриган кишиларда мушаклар аста-секинлик билан ишламай қолади. Унга бундай ташхис икки йил аввал қўйилган, ҳозирда касаллик кучайиб бормоқда. Қиз мустақил равишда ҳаракатлана олмай қолган ва ногиронлар аравачасига ўтказилган.
Бемор қиз вақтининг кўп қисмини ўз хонасида ўтказади, бироқ мактуб келиши билан уни ўқиш учун ташқарига чиқади. «Қизимга шунча муҳаббат кўрсатилаётгани завқли ва таъсирлидир», — деди қизнинг онаси.
Изоҳ (0)