АҚШнинг Теннесси штати университети олимлари томонидан аниқланган 1950DА астероиди Ер учун потенциал хавфга эгадир. Диаметри бир километрга тенг само жинсининг учиш траекторияси сайёрамизнинг бевосита ёнгинасидан ўтади. Астероиднинг Ер билан тўқнашиш эҳтимоли 0,3 фоизга тенг бўлиб, бу осмон ўлчовлари бўйича каттагина кўрсаткичдир.
«Российская газета» хабар беришича, астероид Қуёш тизимига қараб сониясига 15 километр тезликда учиб келмоқда. Олимлар прогнозига кўра, у сайёрамизга 2880 йил 16 мартида энг кичик масофада яқинлашади. Ўша пайтда тўқнашув юз берса, у ҳалокатли оқибатларни келтириб чиқариши мумкин. Само жинси атмосферага кириб, Ер юзаси билан тўқнашса, тротил эквиваленти 50 мегатоннага тенг портлаш рўй беради.
Тўқнашув натижасида иқлимнинг кескин ўзгариб кетишидан то ҳаётнинг бутунлай йўқолиб кетишигача бўлган оқибатлар келиб чиқиши мумкин.
Нашрнинг эслатишича, 2013 йилда америкалик олимлар музлик даврига Ернинг йирик метеорит билан тўқнашуви сабаб бўлганини аниқлаган. У бундан 13 минг йил аввал ҳозирги Канаданинг Квебек провинцияси ҳудудида содир бўлган.
Изоҳ (0)