КХДР етакчиси Ким Чен Ин Корея Республикаси собиқ президенти Ким Дэ Чжун оиласига унинг вафотига беш йил тўлгани муносабати билан гулчамбар ва таъзия телеграммасини юборди. ИТАР-ТАСС хабар беришича, телеграммада собиқ давлат раҳбарининг «миллий ярашув ва ватанлар бирлашувига эришишдаги» катта ҳиссаси тилга олинади.
КХДР раҳбари Жанубий Кореяда тузилган Ким Дэ Чжун номидаги Тинчлик маркази «иккала Кореяни бирлаштиришга йўналтирилган ватанпарварлик фаолиятида етакчи ролни ўйнашига» умид билдириб қолган.
Гулчамбар ва телеграмма 17 август, якшанба куни КХДР ҳудудидаги қуролсизлантирилган зона яқинида жойлашган Кэсон шаҳрига ташриф буюрган Жанубий Корея делегациясига топширилган. Вакиллар орасида Корея Республикаси собиқ президентининг ўғли Ким Хон Оп ва Тинчлик марказининг бошқа жамоатчилик арбоблари бўлган.
Изоҳ (0)