2014 йилда Тошкентдаги Халқаро Вестминстер университетида ўқиш учун 2150 дан ошиқ йигит-қиз ҳужжат топширди. Kultura.uz хабар беришича, уларнинг деярли ярми пойтахт ёшларидир.
Вилоятлар бўйича энг кўп ҳужжатлар Андижон (6,1%), Самарқанд (6,1%), Наманган (5,2%) ва Қашқадарё (4%) вилоятларидан тушган. Тошкент ва Самарқанд вилоятларидан ташқари, қолган ҳудудларда абитуриентлар сони 60 фоиздан 100 фоизгача ошган. Энг кам аризалар Жиззах (1,3%), Сирдарё (0,9%) ва Қорақалпоғистондан (1,2%) келиб тушган.
Маълум бўлишича, абитуриентлар имтиҳон натижалари ҳам яхшиланиб бормоқда. Танлов катталигини ҳисобга олиб ва университетдаги таълим даражасини сақлаб туриш мақсадида Буюк Британиядаги Вестминстер университети билан келишган ҳолда кириш имтиҳонларидаги талаблар кучайтирилди.
Бу йил ўтган йилгидан 42 фоизга кўп — 750 нафар талаба ўқишга қабул қилинади. 2014—2015-ўқув йили учун қабул давом этмоқда.
Изоҳ (0)