Болгариядаги Ловеч шаҳрида ҳайвонот боғидан ягуар қочиб кетди. Уни тутиш учун олти соат уринишди, охири уни отишга тўғри келди, дея хабар берди ИТАР-ТАСС.
Ловеч полицияси хабарига кўра, ҳайвонот боғи ходими ягуарнинг қафасини бекитишни унутган, натижада ягуар қафасдан қочиб чиқиб кетган. Полиция боғ яқинида жойлашган туман аҳолисини эвакуация қилган.
Йиртқични тутиш учун 50 киши жалб қилинди. Олти соат давомида кучли уйқудори отадиган қуроллар ва жанговар патронлар билан ягуарни тутишга уринишди, бироқ уни уйқуга кеткизиб, қафасга қайтариш режаси амалга ошмади. Ҳайвон боғ деворидан ошиб чиқиб кетмаслиги учун уни отиб ўлдиришга тўғри келди.
Изоҳ (0)