АҚШ давлат котиби Жон Керрининг телефони Исроил махсус хизматлари томонидан унинг Яқин Шарққа ўтган йилги ташрифи давомида тинглангани маълум бўлди. Бу ҳақда «Российская газета» хабар берди.
Яқин Шарққа ташрифи давомида Керри суҳбатларни ҳимояланмаган, очиқ телефон орқали олиб борган. Сигнал осонгина тутилган ва махфий тинглов олиб борилган. Исроил ҳукумати олинган ахборотни гўёки, музокаралар чоғида қўллаган.
Германиянинг «Шпигель» журнали Америка давлат котиби яна бир мамлакат томонидан кузатилганини хабар қилди, унинг қайси давлатлиги ҳозирча ошкор этилмаяпти.
АҚШ дипломатик идораси ҳам, унинг минтақадаги стратегик иттифоқдоши Исроил ҳам бу хабарга изоҳ берганича йўқ.
Изоҳ (0)