Хитой жануби-ғарбидаги Юньнань провинциясида 6,5 магнитудали зилзила содир бўлди. Натижада камида 175 киши ҳалок бўлди, 1,3 минг киши жароҳатланди ва яна 181 нафар одам бедарак йўқолди. Бу ҳақда Хитой марказий телевидениесига асосланиб ИТАР-ТАСС хабар берди.
Ер силкиниши маҳаллий вақт билан 3 август 16:30 да (Тошкент вақти билан 3 август 13:30 да) бўлиб ўтди. Зилзила ўчоғи Чжаотун шаҳридаги Лудянь уезди ҳудудида 12 километр чуқурликда жойлашди. Ушбу уездда 260 мингдан ортиқ киши яшайди.
Офат ҳудудига полиция отрядлари ва қутқарувчилар юборилган. Телевидение таъкидлашича, ушбу зилзила Юньнаньда сўнгги 14 йил ичида юз берган энг кучлиси бўлди.
Изоҳ (0)