Тайвань ороли жануби-ғарбидаги Гаосюн шаҳрида 31 июль куни маҳаллий вақт бўйича 21:00 (Тошкент вақти билан 18:00)да газ сизиб чиқиши натижасида ерости портлашлар содир бўлди. Бу ҳақда Lifenews хабар берди.
Портлашлардан 270 га яқин киши жароҳатланди, камида 22 киши ҳалок бўлди. Маҳаллий ОАВларнинг қайд этишича, қурбонлар сони ортиб бормоқда.
Орол-давлатнинг Бош вазири Цзян Ихуанинг маълум қилишича, 2,8 миллион одам истиқомат қиладиган шаҳарда бешдан зиёд ерости портлаши кузатилган. Натижада йўл қоплами бузилиб, автомобиллар ағдарилиб кетган. Бир портлашдан сўнг ҳосил бўлган аланга тўққиз метргача кўтарилган. Шаҳарда тарқала бошлаган оловларни ўчириш вақтида беш киши ҳалок бўлган.
Тахминларга кўра, портлашга канализация тизими яқинида жойлашган газ қувуридаги авария сабаб бўлган.
Бош вазирнинг сўзларига кўра, фавқулодда ҳодиса кислород билан портловчи аралашма ҳосил қиладиган пропилен натижасида содир бўлгани учун ўт ўчирувчилар оловни сув билан ўчира олмаган ва газ ёниб бўлишини кутишга мажбур бўлган.
Газнинг тарқалишини тўхтатишнинг ҳозирча иложиси бўлмади.
Изоҳ (0)