Қозоғистонлик волейболчи қиз Сабина Олтинбекова волейбол бўйича 19 ёшгача бўлганлар Осиё чемпионатида иштирок этганидан сўнг интернетда ҳақиқий шов-шувни келтириб чиқарди. Қизнинг ташқи қиёфаси мухлислар эътиборини тортди ва у мусобақадаги энг чиройли волейболчи қиз мукофотини қўлга киритди. Бу ҳақда «РИА Новости» хабар берди.
Айни пайтда Сабина Instagram’да 250 мингдан ошиқ, Twitter’да 30 мингдан зиёд ва Facebook’да 200 мингдан ортиқ мухлисларга эга.
Бир неча кун ичида YouTube’да Сабина шарафига юзлаб видеолар яратилди. Жумладан, «Осиёнинг гўзал аёли» деб номланган видео миллион мартадан кўпроқ томоша қилинди.
ОАВ эса 17 ёшли бу волейболчи қиз спорт учун ҳаддан зиёд чиройлилиги ҳақида баҳслаша бошлади.
Қизнинг мураббийи Нурлан Содиқовнинг айтишича, машҳурлик Сабинанинг спортга муваффақиятга эришишига халал беради. «Осиё чемпионатида томошабинлар худди майдонда бошқа спортчилар йўқдек, фақат Олтинбековани қўллаб-қувватлаб турди», — деди у.
Twitter фойдаланувчилари ёш спортчи қизга севги изҳор қилиш учун #LoveSabinaltynbekova ҳештегидан фойдалана бошлади. Уларнинг баъзилари қизга турмушга чиқиш таклифини ҳам билдирган.
Изоҳ (0)