БМТнинг фаластинлик қочоқларга ёрдам бериш учун Яқин Шарқ агентлиги (UNRWА) матбуот котиби Крис Ганнес Al Jazeera телеканалига интервью бериш чоғида йиғлаб юборди. Бу ҳақда The Independent нашрига таяниб, «РИА Новости» хабар берди.
Крис Ганнес Ғазо секторидаги БМТ мактабининг ўққа тутилиши ҳақида гапирар экан, кўз ёшларини тийиб тура олмади.
Кейинроқ у ўз твиттерида «кўз ёшлари фикрни сўзларга қараганда таъсирлироқ қилиб етказиб бериши»ни ёзди ва унинг ҳиссиётлари Ғазо фуқаролари бошидан ўтказаётганлари олдида «ҳеч нарса» эканини қўшимча қилди.
Изоҳ (0)