«Донецк халқ республикаси» қуролли тарафдорлари Европада хавфсизлик ва ҳамкорлик ташкилоти вакилларини Малайзия «Боинг»и қулаган жойга қўймаяпти, дея хабар берди Euronews.
Бугун, 31 июль куни Минскда Украина шарқидаги вазиятни тартибга солиш бўйича алоқа гуруҳи билан учрашув бўлиб ўтиши мумкин. Унда тергов комиссияси фаолияти хавфсизлигини таъминлаш масаласи ҳам кўрилади.
«Донецк халқ республикаси» вакилларининг айтишича, Киев ЕХҲТ ишидан ниқоб сифатида фойдаланиб, ўт очишни тўхтатиш эълон қилинганига қарамай, ҳарбий ҳаракатларни фаоллаштирмоқчи. Шу билан бирга, Донецк ҳукумати европаликлар билан ҳамкорликдан бош тортмаяпти.
Москва эса айнан Украина томонидан отилаётган ўқлар халқаро экспертлар йўлига тўғаноқ бўлаётганини айтмоқда.
Изоҳ (0)