Буюк Британиянинг машҳур Telegraph нашри ЮНЕСКО ташкилотининг Жаҳон мероси рўйхатига киритилган 1005 та хазиналарнинг унча таниқли бўлмаган, бироқ қимматлиликда бошқаларидан қолишмайдиган 21 таси ҳақида мақола ёзди. Улар орасида Жаҳон мероси статусига 1993 йилда эга бўлган Бухоро тарихий маркази ҳам бор.
«Буюк Ипак йўлида жойлашган Бухоро Марказий Осиёдаги ўрта асрларга хос шаҳарнинг мукаммал намунасидир», — дейилади мақолада. У ердаги энг диққатга сазовор ёдгорликлар сифатида Исмоил Сомоний мақбараси ва Пои Калон минораси тилга олинган.
Нашр мақоласига Бухородан ташқари, Мальтадаги мегалитик ибодатхоналар, Болгариядаги Пирин миллий боғи, Филиппиндаги Барокко черковлари ва бошқалар киритилди.
Изоҳ (0)