Ўн кун аввал Тошкент ҳайвонот боғида ташрифчи отган пластик буюмни ютиб юбориб, ўз ҳаётини хавф остига қўйган туяқушнинг аҳволи яхши, дея хабар берди «Gazeta.uz» нашри.
26 июль, шанба куни боғнинг нашрга маълум қилишича, хусусий клиника ветеринар шифокорлари жониворни кўрикдан отказиш учун келган. Туяқушда ичагига бирор нарса тиқилиб қолганидан дарак берувчи ташқи аломатлар кузатилмаган. У яхши иштаҳа ва фаолликка эга.
Бироқ ҳайвонот боги маъмурияти хулоса чиқаришга шошилмаяпти. «Бундан анча аввал туяқуш баргларни ютиб юбориб, операция қилинганига ҳам қарамай, икки ҳафтадан сўнг вафот этган эди», — деди муассаса вакиллари.
Эслатиб ўтамиз, 19 июль, шанба куни Тошкент ҳайвонот боғи ходимларининг кўз ўнгида 13 ёшли ўсмир бола туяқушлар қафасига пластик стакан ташлади. Ходимлар чора кўришга улгурмай, туяқушлардан бири стаканни ютиб юборди.
Муассаса мутахассисларининг айтишича, бундай ҳолатларда эримайдиган буюмлар (ҳатто полиэтилиннинг бўлаклари) ҳайвон ичагига тиқилиб қолади. Бир неча кун ўтиб, туяқушнинг иштаҳаси йўқолади. Бир ҳафтадан сўнг эса ўрнидан тура олмайдиган даражада ҳолсизланиб, охири очликдан ҳалок бўлади.
Изоҳ (0)