АҚШнинг Техас штати Ҳюстон шаҳрида олти кишини, жумладан тўрт нафар болани отиб ташлаган қуролланган киши ўлдирилган болаларнинг отаси бўлиб чиқди. Бу ҳақда «РИА Новости» хабар берди.
Ўқ тегиб яраланган, бироқ тирик қолган қизча полицияга отаси унинг икки укаси ва икки синглисини отиб ўлдирганини айтди. Қолган икки киши уларнинг қариндошлари бўлган.
Кейинроқ жиноятчи қўшни туманда — болаларнинг бувисини отиб ташлаш учун кетаётганида қўлга олинди. Полициянинг иккита зирҳли автомобили ёрдамида унинг машинаси болк қилинди, бир неча соатлик музокаралардан сўнг жиноятчи маъмурларга таслим бўлди.
Изоҳ (0)