Россияда ўқиётган ўзбекистонлик ҳарбий хизматчилар сони 2015 йилда уч марта кўпайиб, 1,3 минг кишига етиши мумкин. Бу ҳақда «Новый век» хабар берди.
Айни пайтда Россия ҳарбий ўқув юртларида Ўзбекистон Қуролли кучларининг 450 нафар офицерлари таълим олмоқда, 2015 йилда эса уларнинг сони деярли уч баробар ошади. Бу Ўзбекистон ва Россия ўртасида кадрлар малакасини ошириш бўйича ҳарбий ҳамкорликнинг ривожланиши билан боғлиқ.
Ушбу ҳамкорлик доирасида Ўзбекистонда Россиядан келтирилган қисмлар ёрдамида йиғилаётган авиация ва оғир қуроллар тизими бўйича ҳарбий мутахассисларни тайёрлаш кўзда тутилган. Ўзбекистон ўз навбатида NATOга аъзо мамлакатлардан ҳарбий бўлмаган аслаҳа-анжомларни сотиб олишни бошлади.
Россия ва Ўзбекистон ўртасидаги ҳарбий-техник ҳамкорлик Марказий Осиё минтақасида барқарорликни таъминлашдаги муҳим ролини сақлаб қолмоқда. 1994 йилда икки давлат Ҳарбий соҳада ҳамкорликни ривожлантириш тўғрисидаги битимни имзолаган эди.
Изоҳ (0)