2013 йилда танлов эркинлиги ва ҳаёт имкониятларидан энг мамнун мамлакатлар Янги Зеландия (94%) ҳамда Австралия, Камбожа, Швеция (93 фоиздан) бўлди. Бу ҳақда Gallup World тадқиқот ташкилотига таяниб, «Анҳор» нашри хабар берди.
БАА, Австрия, Нидерландия ва Ўзбекистон 92 фоиз кўрсаткич билан учинчи ўринни эгаллаган бўлса, Канада, Испания, Финляндия ва Дания тўртинчи поғонага жойлашди: ушбу мамлакатлар фуқароларининг 91 фоизи ўз эркинликларидан қониқишини билдирган.
АҚШда 2006 йилда 91 фоиз аҳоли ўз эрк ва имкониятларидан мамнун бўлган бўлса, бугунга келиб ушбу кўрсаткич 79 фоизгача тушиб кетган (36-ўрин).
Ҳаётдан норози фуқаролар сони бўйича эса Миср етакчилик қилмоқда (34%). Ундан кейинги ўринларни Греция (30%), Италия (24%), Венесуэла (20%), Кипр (17%) ва бошқалар эгаллади.
Рейтинг 120 мамлакатнинг ҳар бирида мингга яқин кишилардан олинган сўров натижасида тузилган.
Изоҳ (0)