Google компанияси 25 июнь куни Google I/О конференциясида янги Android L операцион тизимини тақдим этди. Бу ҳақда The Verge нашри хабар берди.
Операцион тизимда янги Material Design концепциясига асосан визуал кўринишга эътибор қаратилган. Android L’да янги Gmail интерфейси, кичрайтирилган Android тугмалари ва бурчаклари тўртбурчакдан доиравий шаклга ўтган иконкаларни учратиш мумкин.
Roboto шрифти билан Android L соат, смартфон, телевизор каби исталган қурилма мониторига осон мослаша олади. Шунингдек, экран қулфланган пайтда ҳам келган билдиришномаларни ўқиш имконияти мавжуд бўлади.
Бета версияда бўлган Android L операцион тизими кейинчалик Android 5.0 Lollipop дея номланади. Ҳозирда девелоперлар янги операцион тизимни Nexus 5 ёки Nexus 7 учун юклаб олишлари мумкин. Тўлиқ ишлай оладиган Android 5.0 Lollipop операцион тизими эса кузда ишга тушади, дейилади Mail.Ru хабарида.
Шунингдек, конференцияда автомобиллар учун Android Auto, телевизорлар учун Android TV ҳамда қўл соатларига мўлжалланган Android Wear махсус тизимлари ҳам намойиш этилди.