Ўзбекистонда Motorola’нинг Moto G смартфони сотила бошлади. Ушбу қурилма бизнинг бозорда камдан-кам учрайди. Яқингача уни фақат буюртма орқали харид қилиш мумкин эди, деб ёзади Mobinfo.uz.
Нашрнинг эслатишича, Motorola Moto G 2013 йил ноябрида тақдим этилган. Смартфон 4,5 дюймли 1280×720 пикселли экран, 4 ядроли Qualcomm Snapdragon 400 процессори, 8 Гб ички хотира ва 5 мегапикселли асосий камерага эга.
Телефон Android 4.3 бошқарувида ишлайди. Аккумулятор сиғими 2070 mAh бўлиб, у смартфоннинг 24 соат давомида аралаш режимда ишлашини таъминлайди.
Moto G ўлчамлари 129,9×65,9×11,6 мм, оғирлиги 143 граммга тенг.
Пойтахтдаги «Флешка» савдо мажмуасида смартфон (8 Гб ли хотира билан) 680 минг сўмга сотилмоқда.
Изоҳ (0)