The Wall Street Journal xabar berishicha, Amerika mudofaa vazirligining kongress uchun tayyorlanadigan yillik hisobotida XXR harbiy xarajatlarining oshishi natijasida Pekin o‘z ta’sir doirasini kengaytirib, dunyo arenasida AQSh raqobatchisiga aylanishi mumkinligi ta’kidlandi.
Hujjat mualliflarining qayd etishicha, Xitoy ko‘zga tashlanmaydigan qiruvchi samolyotlar, kiberqurollar, uchuvchisiz samolyotlar ishlab chiqishga, shuningdek harbiy-dengiz flotini rivojlantirishga milliardlab dollar sarflayotgan bir paytda Vashingtonning harbiy xarajatlari kamayib bormoqda.
Pentagon hisob-kitoblariga ko‘ra, 2013-yilda Xitoy hukumati harbiy dasturlar uchun 145 milliard dollar ajratgan. AQSh mudofaa xarajatlari esa shu yili 580 milliard dollarga teng bo‘lgan. Harbiy xarajatlar qisqarishiga qaramay, Vashington ushbu sohada har qanday boshqa davlatdan, jumladan XXRdan ko‘ra ko‘proq xarj qiladi, deyiladi hujjatda.
Izoh (0)