«Сайловда кўпчилик қатнашмоқда. Сайловлар очиқ ва ҳалол тарзда ўтмоқда», — деди сайлов комиссияси аъзоси Ридван Авван. Бу ҳақда «ИТАР-ТАСС» хабар берди.
Бугун мамлакатда дам олиш куни деб эълон қилинган. Ҳаттоки талабалар ҳам имтиҳон топширишдан вақтинча озод этилган.
Овоз бериш 19:00 гача (Тошкент вақти билан 21:00 гача) давом этади, эҳтиёж сезилса, ярим кечагача ҳам узайтирилиши мумкин.
Давлат раҳбари лавозимига уч номзод даъвогарлик қилмоқда. Улар амалдаги президент Башар Асад, коммунист депутат Абдул Ҳафиз Ҳожар ва тадбиркор, собиқ вазир Ҳасан Абдул Иллоҳи ан-Нурий.
Сайловда қатнашиш учун 15,8 миллион киши рўйхатдан ўтган (2012 йил ҳолатига кўра мамлакат аҳолиси 22,4 миллион кишин ташкил этади). Мамлакат бўйлаб 9601 та сайлов участкалари ташкил қилинган.
Изоҳ (0)