Ҳиндистоннинг Керала штатидаги ёш эр-хотин ўзларининг 11 ойлик қизчасини парашютда парвоз этишга мажбур қилди. Сўнг ушбу ҳодиса муҳрланган видеолавҳани интернетга жойлади. Бу ҳақда Mirror хабар берди.
Ушбу лавҳа интернет фойдаланувчилари норозилигига сабаб бўлди, маҳаллий полиция эса болага шафқатсиз муносабатда бўлиш факти бўйича жиноий иш қўзғади.
Воқеа гувоҳларининг айтишича, парашютга занжир орқали маҳкамланган катерда ўтирган қизча норози оҳангда қаттиқ йиғлаган, парвоз чоғида эса ваҳима ичида оёқчаларини типирлатган. Парашют ерга қўнгач, ота-онаси уни тезда олиб кетишган.
Interнетда ёш боланинг парвози ҳақидаги видео пайдо бўлгач, Керала штатидаги инсон ҳуқуқлари ҳимояси бўйича комиссия полицияга мурожаат қилиб, қизчанинг ота-онаси ва бундай «кўнгилочар машғулот» ташкилотчиларига қарши жиноий иш қўзғатишни сўраган.
Изоҳ (0)