Таиланд ҳарбий хунтаси – қуруқликдаги қўшинлари қўмондони Прают Чан-Оча ўзини мамлакат бош вазири вазифасини бажарувчи деб эълон қилди. Ички тинчлик ва тартибни сақлаш бўйича кенгаш вакилининг айтишича, ҳарбий режим раҳбарияти мамлакатни бошқаришга «доимий асосда кимнидир» жалб этмагунига қадар, генерал Прают ҳукуматни бошқаради. Бу ҳақда «ИТАР-ТАСС» хабар берди.
Таиландда ҳарбийлар асосий сиёсий етакчилар, жумладан, собиқ бош вазир Йинглак Чинаватга мамлакатни тарк этишни тақиқлади. 22 май куни мамлакат ҳукуматини эгаллаб олган Тинчлик ва тартибни сақлаш бўйича қўмондонлик тегишли буйруқни эълон қилди.
Шу ҳафта Таиландда амалга оширилган давлат тўнтарилиши пойтахтда ўн ойдан буён давом этаётган тартибсизликларга барҳам беришга қаратилган. Ҳукуматни ўз қўлига олган ҳарбийлар шу йўл билан қисқа муддатда лаёқатли ҳукуматни қайта тиклаб, Таиландни иқтисодий ва сиёсий боши берк кўчадан олиб чиқмоқчи.
Изоҳ (0)