Хитойда жиноий гуруҳ раҳбари бўлган миллиардер Лю Хань ва унинг укаси Лю Вей ўлим жазосига ҳукм қилинди. Улар 1993 йилдан буён амалга оширилган қатор жиноятларда айбдор деб топилди. Бу ҳақда «ИТАР-ТАСС» хабар берди.
Бундай қарорни Марказий Хитойнинг Хубей провинцияси Сяньнин шаҳри суди чиқарди. Жиноий гуруҳнинг яна 34 аъзоси турли муддатдаги қамоқ жазоларига ҳукм қилинди.
Ҳибсга олингунига қадар Лю Хань Сичуань провинциясидаги энг йирик хомашё қазиб чиқарувчи корхоналардан бирининг бошқарув раиси бўлиб ишлаган. Хитойнинг Forbes’га ўхшаш «Хужунь» журнали маълумотлари бўйича, айбланувчи 2012 йилда Хитойнинг энг бой фуқаролари рўйхатининг 230-поғонасини эгаллаган.
Изоҳ (0)