АҚШнинг Теннесси штати губернатори Билл Хэслем 22 май куни электр стулда қатл этишга рухсат берувчи қонунни имзолади. Бу ҳақда CNN хабар берди. Ўлим жазосини бу йўл билан ижро этиш, штатда зарур тиббий препаратлар бўлмаган тақдирда амалга ошрилади.
Теннесси штати қонунчилиги ўлим жазосига маҳкумларга, агар жиноят 1999 йилгача амалга оширилган бўлса, электр стул ва ўлим инъекциясидан бирини танлаш ҳуқуқини тақдим этган. Штатда электр стулдан сўнгги марта 2007 йилда фойдаланилган.
АҚШда 29 апрель куни ўлим жазоси муваффақиятсиз амалга оширилгач, уч нафар маҳкумлар судга апелляция берган. Ўлим келтирувчи инъекция юборилгач, Оклахомадаги маҳбус 38 ёшли Клейтон Локетт кутилганидек дарҳол эмас, 43 дақиқадан сўнг жон берган.
Изоҳ (0)