O‘zbekiston Superligasi 14-tur doirasidagi “Bunyodkor” — “So‘g‘diyona” uchrashuvi yakuniga yetdi. Gollarga boy va keskin tarzda kechgan bahsda “qaldirg‘ochlar” kambek amalga oshirib, Jizzax klubini 3:2 hisobida mag‘lub etdi.
Uchrashuvdagi hisob 26-daqiqada “So‘g‘diyona” futbolchisi Zoir Jo‘raboyev tomonidan ochilgan bo‘lsa, 39-daqiqada Stanislav Andreyev mehmonlarning ikkinchi golni kiritdi va hisobni 0:2 ko‘rinishiga keltirib qo‘ydi. Biroq 45-daqiqada Nosirjon Abdusalomov “Bunyodkor” safida javob goliga mualliflik qilib, birinchi bo‘lim 1:2 hisobida yakunlanishini ta’minladi.
Ikkinchi taym ham yuqori sur’atda boshlandi. Har ikki jamoa faol hujumlar uyushtirdi. 72-daqiqada Luis Kachorri “Bunyodkor”ning ikkinchi goliga mualliflik qilib, hisobni tenglashtirdi. 77-daqiqada esa Muzaffar Olimjonov mezbonlarning o‘yindagi uchinchi golni kiritdi — 3:2.
Mazkur hisob o‘yin yakunigacha saqlanib qoldi va “Bunyodkor” navbatdagi uch ochkoni qo‘lga kiritdi.
14-turdan so‘ng “Bunyodkor” turnir jadvalidagi onlayn ma’lumotlarga ko‘ra 24 ochko bilan 4-o‘rinni egallab turibdi. “So‘g‘diyona” esa 13 ochko bilan 13-pog‘onada bormoqda.
O‘zbekiston Superligasi
14-tur
29-iyun, yakshanba
“Bunyodkor” — “So‘g‘diyona” 3:2
Gollar: 0:1 — Zoir Jo‘raboyev (26), 0:2 — Stanislav Andreyev (39), 1:2 — Nosirjon Abdusalomov (45), 2:2 — Luis Kachorri (72), 3:2 — Muzaffar Olimjonov (77)
Izoh (0)