Xorazm viloyatida ichimlik suvi uchun to‘lov qilingan mablag‘larni o‘zlashtirish holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, “X.S.T.” AJning Urganch, Qo‘shko‘pir, Xiva, Xonqa va Gurlan tumanlari filiali masʼul shaxslari isteʼmolchilar tomonidan ichimlik suvi uchun to‘lov qilingan jami 380 mln so‘m mablag‘larini bank hisob raqamlariga kirim qilmagan.
Ular pullarni o‘zlashtirish yo‘li bilan talon-toroj qilganliklari aniqlangan.
Mazkur holatlar yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Toshkent shahridagi maktabda ichimlik suvi isrof bo‘lgani uchun direktor o‘rinbosari jarimaga tortilgandi.
Shuningdek, Samarqandda ichimlik suviga noqonuniy ulangan oilaviy shifokorlik punkti jarimaga tortilgan.
Izoh (0)