Хоразм вилоятида ичимлик суви учун тўлов қилинган маблағларни ўзлаштириш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “Х.С.Т.” АЖнинг Урганч, Қўшкўпир, Хива, Хонқа ва Гурлан туманлари филиали масъул шахслари истеъмолчилар томонидан ичимлик суви учун тўлов қилинган жами 380 млн сўм маблағларини банк ҳисоб рақамларига кирим қилмаган.
Улар пулларни ўзлаштириш йўли билан талон-торож қилганликлари аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Тошкент шаҳридаги мактабда ичимлик суви исроф бўлгани учун директор ўринбосари жаримага тортилганди.
Шунингдек, Самарқандда ичимлик сувига ноқонуний уланган оилавий шифокорлик пункти жаримага тортилган.
Изоҳ (0)