Namangan viloyatining Pop tumanida joylashgan Chodak qishlog‘iga “Turizm qishlog‘i” maqomi berildi. Bu haqda “Daryo” muxbiri Azizbek Abduvaliyev xabar bermoqda.
Foto: Furqat Ermatov
Dengiz sathidan 2000 metr balandlikda joylashgan Chodak so‘lim tabiati, tarixiy ziyoratgohlari va ko‘ngilochar maskanlari bilan sayyohlarni o‘ziga jalb etadi.
Foto: Furqat Ermatov
Chodakdagi osma ko‘priklar va dor yo‘llari, sunʼiy sharsharalar bu qiziqishni yanada oshiradi.
Foto: Furqat Ermatov
Foto: Furqat Ermatov
Qishloqda bugungi kunda 300 ta oilaviy mehmon uyi, 4 ta dam olish maskani, 3 ta bolalar oromgohi, hostel va kempinglar, 30 ta gastronomik turizm obyekti ishlab turibdi. Chodakning 1,5 mingdan ortiq aholisi turizm sohasida ish bilan taʼminlangan.
Foto: Furqat Ermatov
Hukumatning Chodakni kompleks rivojlantirishga qaratilgan qaroriga asosan mazkur hududda umumiy qiymati 279,1 milliard so‘mlik 257 ta loyiha amalga oshirilmoqda.
Foto: Furqat Ermatov
Muhandislik-kommunikatsiya tarmoqlarini rivojlantirish uchun 109 milliard so‘m mablag‘ yo‘naltirilib, ushbu mablag‘ yo‘l infratuzilmasi, elektr energiyasi, gaz, ichimlik suvi va kanalizatsiya tarmoqlari, irrigatsiya obyektlari hamda ko‘p qavatli uylarni taʼmirlash, hududni obodonlashtirishga sarflanmoqda.
Foto: Furqat Ermatov
Chodakda bo‘lib o‘tgan tadbirda Turizm qo‘mitasi raisining o‘rinbosari Sardor Niyazov, viloyat hokimining o‘rinbosari Botir Nuriddinov, jamoatchilik va OAV vakillari ishtirok etdi.
Foto: Furqat Ermatov
Tadbirda Turizm qo‘mitasi tomonidan Chodakka “Turizm qishlog‘i” maqomi berilgani eʼlon qilindi. Bayramga tuhfa sifatida loyiha qiymati 2 milliard so‘m bo‘lgan zamonaviy mehmon uyi foydalanishga topshirildi.
Foto: Furqat Ermatov
Izoh (0)