Prezident Shavkat Mirziyoyev 12-noyabr kuni Boku shahrida o‘tayotgan iqlim bo‘yicha sammit doirasida Yevropa kengashi raisi Sharl Mishel bilan uchrashdi. Bu haqda Prezident matbuot xizmati xabar berdi.
O‘zbekistonning Yevropa Ittifoqi bilan ko‘p qirrali hamkorligini yanada kengaytirish masalalari ko‘rib chiqildi.
Kengaytirilgan sheriklik va hamkorlik to‘g‘risidagi yangi bitimni tez fursatda qabul qilish, shuningdek, “Markaziy Osiyo - Yevropa Ittifoqi” formatidagi birinchi sammitga tayyorgarlik ko‘rishga alohida eʼtibor qaratildi.
Shavkat Mirziyoyev 2023-yilning iyun oyida Qirg‘izistonga tashrifi chog‘ida ham Sharl Mishel bilan muzokara o‘tkazgan edi.
Shuningdek, sentyabr oyida Shavkat Mirziyoyev Nyu York shahriga tashrifi doirasida Yevropa kengashi prezidenti Sharl Mishelni qabul qilgandi.
Izoh (0)